ATLETICO MADRID YAPANIA KUITOA REAL MADRID KATIKA COPA DEL REY

Timu ya Atletico Madrid imepania
kutoa kipigo kwa Real Madrid katika mechi ya marudiano ya nusu fainali katika kombe la COPA DEL REY itakayochezwa leo usiku majira ya saa tano (5) usiku katika uwanja wa Vicente Calderon .

Atletico inakibarua kikubwa cha kuiondosha Real Madrid kwa sababu katika nusu fainali ya kwanza iliyopigwa siku chache zilizopita ilipokea kipigo cha magoli 3-0 hivyo katika mechi ya leo ya marudiano inatakiwa ishinde magoli mengi zaidi ili iweze kuiondosha timu hiyo na kuweza kutinga fainali.

Mechi nyingine ya nusu fainali katika kombe hilo itapigwa kesho ikiikutanisha timu ya Real Sociedad iliyopo nyumbani katika uwanja wa Anoeta ikiwakaribisha Barcelona, katika mechi ya kwanza Barcelona iliibuka na ushindi wa goli 2-0.